ЈУ Меѓуопштински Центар за социјална работа Кочани е основан со Одлука бр.01-2005/1 од 1979 година од страна на Собранието на општина Кочани како Центар за социјална работа.
Установата продолжува да работи согласно одлуката за утврдување на мрежата на јавни установи за социјална заштита бр.19-568/1 од 18.11.2008 година донесена од Владата на Република Македонија.

Согласно Одлуката за утврдување на мрежата на јавните установи за социјална заштита бр. 41-2743/1 донесена од Владата на Република Македонија на 1.05.2013 година (Службен весник на Република Македонија бр.67/13), Установата продолжува да работи како јавна установа за социјална заштита-Јавна установа Меѓуопштински Центар за социјална работа Кочани, со надлежност за подрачје на Општина Чешиново-Облешево и Општина Зрновци.

Установата е јавна установа за социјална заштита со јавни овластувања, чија надлежност и дејност се утврдени со Законот за социјалната заштита, Законот за заштита на децата, Законот за семејството, Закон за превенција, спречување и заштита од семејно насилство, Законот за правда за децата, Законот за азил и привремена заштита, Кривичниот Законик, Законот за кривична постапка и другите законски прописи.
Развивањето и спроведувањето на вонинституционални облици на социјална заштита и други дејности се остварува согласно Закон, Одлуки на управниот одбор, спроведување на програми и други општи акти од областа на социјалната заштита, донесени и финансирани од општината, експериментални и развојни програми, како и преку спроведување на истражувачка работа во оваа област.

Од Делокругот на јавните овластувања Установата ги има следните овластувања:
– Решава за правата од социјална заштита утврдени со Законот за социјална заштита;
– Решава за работите утврдени со семејно-правните прописи;
– Решава за правата утврдени со Законот за заштита на децата и тоа: детски додаток, посебен додаток, право на еднократна парична помош за новороденче и родителски додаток за дете;
– Постапува по работи утврдени со кривично-правните просписи;
– Открива, следи и проучува социјални појави и проблеми;
– Применува и спроведува соодветни облици на социјална заштита и непосредно им помага на граѓаните, семејствата или група население;
– Поттикнува и презема превентивни дејствија во рамките на своите овластувања;
– Развива и спроведува вонинституционални облици на социјална заштита;
– Потикнува, организира и координира волонтерски активности на граѓани, зруженија на граѓани, хуманитарни и невладини организации во спроведување на програми од социјална заштита на подрачјето на Општината.
– Изготвување на планови, извештаи и општи акти на Центарот.
– Води евиденција и прибира документација за корисници од социјална заштита, за применетите облици на социјална заштита и за тоа поднесува извештај до Министерот за труд и социјална политика;
– Врши и други работи утврдено со закон.